अहो, सारं काही नकली आहे।

शिकण्यात काही मजा नाही,
इंजिनिअरींग सारखी सजा नाही,
अभ्यासाला तर रजा नाही,
जागा आमची चुकली आहे,
अहो, सारं काही नकली आहे.

आम्हाला तर आहेत दोनच हात,
तरी सबमिशन करतो रातोरात,
शिव्या खाऊन काढतो दात,
लाज अब्रु विकली आहे,
अहो, सारं काही नकली आहे.


ओरल पुरता नमस्कार,
बाहेर येताच शिव्याचार,
हा तर म्हणे शिष्टाचार
कर्तबगारी खचली आहे,
अहो, सारं काही नकली आहे.

करुनी एवढी दरी पार,
आमची म्हणे बोथटच धार,
नोकरीस फिरतो दारोदार,
आशा आता थकली आहे,
अहो, सारं काही नकली आहे।