पीठ भाकरीचं एका
एक भाकर थापली
चुलीत मारुन फुका
भाकर तव्यावर टाकली
पोर रडलं झोळीत
माय लगेच धावली
त्यास झोळीतुन काढत
मांडीवर पाजु लागली
गोवरी शेवटची होती
खुप दमानं पेटली
ज्वाला धगधगली होती
तिनं भाकर जाळली
अंगणी खेळुन आलं
दमुन भागुन घरात
पोर दुसरं भुकेलेलं
भुक मावेना पोटात
मागु लागलं भाकरी
पिळलेले हात पाय
माय कावरी बावरी
समजेना करावे काय
कोणत्याही टिप्पण्या नाहीत:
टिप्पणी पोस्ट करा